جزء من روايتي : طرف الحبل
تعرف الحب من اول نظره ؟
و ممكن كمان من قبل اول نظره , احيانا الروح بتلتقي بارواح ناس تانيه قبل ما تشوفهم اصلا .. دي قصتي
انا ميرنا عندي 18 سنه , ممكن تبقي حاجه غريبه شويه بس انا طول عمري معنديش صحاب عيشت حياتي بحاول القي صحاب لغايه لما جه يوم الفلانتين
يوم الفلانتين 2018
كنت مع ” جو ” صاحبي من ابتدائي حاول يخرجني من حاله الاكتئاب وداني كافيه متعودين نتقابل فيه , بعد ربع ساعه من الكلام شوفت مارك جي ناحيه الترابيزه بتاعتنا . اكيد بتسال مين مارك ؟
مارك ده حب الطفوله , شعره كيرلي و عيونه بني و نظاره لونها زهبي , كان شخص اي بنت بتحلم تتعرف عليه و تتكلم معاه . من الاخر شخص جان و كاريزما جدا
سالت نفسي : هو جي ليه و ليه باصصلي اوي كده ؟
رديت علي نفسي : مش مهم بس خليكي هاديه و طبيعيه جدا
قعد معانا و سلم علي جو و عليا و بعد ما الكلام العادي خلص …
قال مارك :
نازله بتشيرت احمر ليه مش انتي سيبتي الاستاذ ده ” قصده جو ” ؟
رديت و انا بضحك :
لا كانت صدفه و انا معرفش ان انهارده الفلانتين اصلا
بعد سكوت لحظه قولت :
و انت نازل بتشيرت احمر ليه بقا .. مرتبط ؟
رد بعد تردد و تفكير :
اه مرتبط
و استمر الكلام بالضحك و الهزار و عرفت انه مرتبط ببنت اسمها نور من اسبوعين , بس حسيت انه مش بيحبها بجد و كان باين من كلامه القليل جدا عنها انه لسه ميعرفهاش . بعد ربع ساعه لقيت نور جايه تقعد معانا , اتعرفنا علي بعض و اتكلمت شويه عن علاقتها بمارك بمنتهي السعاده علي وشها .
بعد ساعتين من الضحك و الهزار استاذنت اني لازم اروح
قال مارك : مبسوط اني اتعرفت عليكي
قولت : ده شرف ليا , باي
روحت البيت و الفرحه مش سيعاني و عقلي بيقولي ” بدأت الدنيا تضحكلك و تديكي اللي عايزاه من زمان ”
اكيد انت مش فاهم حاجه . ايه اللي عايزاه ؟ و ايه اللي حصل ؟
هحكليلك ….
0
الوظائف الجارية
0
الوظائف المكتملة
0
الوظائف الملغاه
0
الخدمات الجارية
0
الخدمات المكتملة
0
الخدمات الملغاه
$0.00
إجمالي الأرباح
* أنقر الزر لإرسال عرض
وظفني