كتابة مقالة عن الكورتيزون وكيفية استخدام
الكورتيزووون
بنسمع كلام كتير عن الكورتيزون انه مُضر وخطير ويتخن وا وا….ف البوست دا ان شاء الله هنعرف ايه هو الكورتيزون وايه هي اشهر استخدماته
أولاً لازم نعرف انه جسم الإنسان بيصنع الكورتيزون بقدر يفيده ف بعض الوظائف ….
يعني ايه الكورتيزون طلع الجسم بيفرزه مش دوا ؟؟ …
لا هو دوا فعلاً بس هو ف الأساس هرمون الجسم بيفرزه ولكن لما لقيوا ليه فوايد كتير شركات الأدوية بدأت ف تصنيعه وبدا العالم يستخدم لعلاج بعض الأمراض الي ان اصبح من اهم الأدوية التي لا غني عنها
تعالي نعرف الكورتيزون اللي بيفرزه جسمك أهميته ايه وبيعمل ايه ..
-بيحافظ علي مستوي السكر ف الدم
-بيحافظ ع مستوي ضغط الدم
-بيزود حرق الدهون والدهون الثلاثية
– بيحافظ ع مستوي الكالسيوم ف الدم
– بيعمل توازن ف الأملاح وكمية المياه الموجودة ف جسمك
————
طيب الكورتيزون الدوا اللي بيكتبه الدكتور ايه استخداماته ..؟
طبعاً ليه استخدامات كتير ومهمة أشهرها
– مثبط مناعي قوي عشان كده بيستخدم في بعض الأمراض المناعية المزمنة زي الذئبة الحمراء والروماتويد
– علاج الحساسية بجميع أنواعها
-علاج حساسية الصدر (الربو)
-بعض الأمراض الجلدية
-بيستخدم ف حالات الطوارئ ف حالات زي الهبوط الحاد ف الدوري الدموية
————
طيب هو الكورتيزون من الآخر مُضر ولا لأ..؟
الكورتيزون طول ما الدكتور هو اللي كتبهولك وملتزم بتعليمات الطبيب مش هيبقي مُضر ليك لان الطبيب بيديك جرعة مناسبة لمرضك ولحالتك المرضية
ولكن 🚫🚫 إذا استخدمت الكورتيزون من نفسك ودون وصف من الطبيب ف الحالة دي بيبقي خطر عليك جداً لانه دوا قوي وليه أعراض جانبية كتير
اشهر الأعراض الجانبية للكورتيزون
– بيزود احتباس الميه ف جسمك ويخليها تنتشر بين الأنسجة وتحت الجلد فييزود وزن الجسم
– بيخلي شكل الوجوه دائري الشكل
-بيسبب انتشار حبوب ف الجسم
-بيسحب الكالسيوم من العظام
وعشان كدا وبسبب اعراضه الجانبية الكتير دي مينفعش نستخدمه الا تحت اشراف الطبيب
تنبيه هام ❗️⛔️: فيه بعض حقن منع الحمل زي الDepo Provera
والOxyprogest
دي برضه عبارة عن كورتيزون
فأي حد ماشي ع الحقن دي
لو حس باي اثار جانبية زي مثلاً. زيادة الوزن او الم ف المفاصل بالتحديد الركبتين
لازم يستشير الطبيب بحيث يغير الحقن ويشوف اي وسيلة منع حمل تانية
